అర్హులైన జర్నలిస్టుల పక్షాన టియుడబ్ల్యూజే ఐజేయు అండగా నిలుస్తుందని మహబూబాబాద్ జిల్లా అధ్యక్షుడు చిత్తనూరి శ్రీనివాస్ అన్నారు. బుధవారం మండల కేంద్రంలో ఏర్పాటుచేసిన విలేకరుల సమావేశంలో జర్నలిస్టు వెల్ఫేర్ హౌసింగ్ రాష్ట్ర కమిటీ సభ్యులు బండి సంపత్ హాజరై యూనియన్లకు అతీతంగా రాష్ట్ర అకాడమీ చైర్మన్ పిలుపుమేరకు జర్నలిస్టులందరూ ఇళ్ల స్థలాల కోసం దరఖాస్తు చేసుకోవాలని పిలుపునిచ్చిన నేపథ్యంలో నమోదు చేసుకున్న దరఖాస్తులను స్వీకరించారు.ఈ కార్యక్రమంలో రాష్ట్ర కౌన్సిల్ సభ్యులు గందెసిరి రవి, జిల్లా ప్రధాన కార్యదర్శి గాడిపళ్లి శ్రీహరి, జిల్లా ఉపాధ్యక్షుడు రావూరి ప్రశాంత్,పాత్రికేయులు తదితరులు పాల్గొన్నారు.