秉承著國學大師饒宗頤教授推廣文化藝術嘅理念，饒宗頤文化館聯同一新美術館策劃全新藝術計劃--「港藝新星展覽」，經過多個月公開招募，最後選出咗一共 6 位 40 歲以下嘅香港年輕藝術家參加呢次「港藝新星展覽」，合共展出 48 件藝術作品。
6 位港藝新星分別係 何煒霖、張容嘉、許琬瑩、葉鍵恒、錢銀笑、同埋戴影，雖然佢哋嘅藝術媒介、作品風格、甚至尋藝故事都各有不同，但佢哋對追求藝術都有一份永不放棄嘅精神。而佢哋嘅作品亦體現咗香港獨特嘅文化面貌，兼具全球視野與本土情懷，以創新方式詮釋香港嘅多元文化，突顯香港作為國際都會嘅文化魅力。
何煒霖@williamho_calligraphy 專注書法創作，尤其喜好行草書，佢以傳統技法為本，將書法融入現代語境，展現其獨特嘅書法風格。
張容嘉@cheung.yungka 善用堆疊及重複嘅陶瓷手法，表達日復一日，生活點滴與經驗累積成記憶嘅主題，創造出動態優雅嘅作品，為現代瓷畫藝術注入新嘅可能性。
許琬瑩@watercolor_birding 自學觀鳥及水彩畫，以生動細膩嘅水彩混合中國水墨筆捕捉雀鳥美態，希望觀眾能透過畫作感受與雀鳥相遇嘅一刻。
葉鍵恒@simplicity.artisticgallery 擅長以水彩描繪香港街景及人文風情，融合香港城市文化元素，以細緻排線同艷麗色彩，為畫作增添視覺變化及層次。
錢銀笑@shaoniangustudio 作品融合抽象水墨、傳統國畫技法及現代元素，以過去嘅記憶與對未來嘅期待為創作泉源。
戴影@daisydai420 運用西方水彩技法捕捉東方自然景觀，藉住色彩同構圖展現傳統水墨特色，創造出東西融合嘅藝術。
港藝新星展...