Видео

@@fatm951 بسم الله الرحمن الرحيم يراس حسين تعاين وين رقية تريدك الليلة تگلك ليش سباها الجيش غيرك ياهو تشكيله تعاتب ما يخلوها واذا ونت يضربوها يراس حسين ---------------------------- رسم فكر اليتيمة لهفة الاحباب ترد الها يوالدها تگلك بالسبي خلت اثر بالسوط تگلها الله يساعدها شبقى غير الحلم ما سلبوها الگوم جفن للنومة ما عدها جفن فارگ جفن والملگه يعني الموت وعلى الغبرة يوسدها يتم والخوف عليها تطوف واخافن تعثر الناگة همت العيون رقية شلون تغمض وهي مشتاگة تون سكتة ويشوفوها واذا ونت يضربوها يراس حسين --------------------------- فجع ليل البچي من فارگيت النوم لن شوف اليتم غافي شفت طيفك يبويه وصوتت انخاك كافي من البعد كافي رويت العين لاچن مارويت ضماي وانا يابسة شفافي متن طفلة وعليها خلفيت هموم جبل شلته على چتافي حچيت وياك يبوي هناك شوفك . احلى من عمري يريت اليوم اخلصه بنوم ولا فز الهضم يسري يتيمة راح يخلوها واذا ونت يضربوها يراس حسين ----------------------------- انهدم سور المعزة والفخر والجاه يوسفه تسلبت ايامه اطب ديوان امية وفرجة بين انذال وانا مهبطة الهامة شيحچي من عتب المفارگ الاحباب ويشوف الموت جدامه علي اشر نذل وينادي بالديوان اريدن هاي خدامة صحت ويلاه منو الانخاه يجي يمي ويحاميني عمامي ابعاد وابو السجاد وينه ما يحاچيني يتيمتكم دلحگوها واذا ونت يضربوها يراس حسين ----------------------------- ابوي الما رضى بالهضم والضيم محنتي جرحت احساسه اجه بالطيف گال امشي يبوية وياي وافزن وانظر لراسه وسط حجري بدمه مخضب يصدلي العين لچن خمدت انفاسه حضنته وحافر الكسرله الاضلاع يرض بعمري وداسه وانادي بصوت هلا بالموت اليلمني بوالدي وامي ارد هيهات واشوف آهات هضيمة محنتي وهضمي بخرابة من يودعوها واذا ونت يضربوها يراس حسين ---------------------- #لطميات_مكتوبة #لطمية #البصرة #محرم

@ شكراً

@@N-ks5ii اي واحسينا من عامرٍ مشينا موكبٌ من عامر في كل عامِ لذبيح الله يمشي باهتمامِ نادبٌ اي واحسينا وامامي اي واماما لحيريه سعينا اي واحسينا من عامرٍ مشينا يا ذبيح الله سرنا بخضوعِ برجاءٍ لك يا سر الخشوعِ بعزاءٍ ونعيٍ ودموعِ اي واذبيحاه لذبحه بكينا اي واحسينا من عامرٍ مشينا يا حسيناً يا قتيل العبراتِ يا اسيراً للبلا والكرباتِ يا هلالً راسهُ على القناة اي واسليبا لسلبه وهينا اي واحسينا من عامر مشينا يا حبيب اللهِ يا روح الرسولِ يا سليل حيدرٍ يبن البتولِ كيف امسيت مجالا للخيولِ ويلاه ويلاه لبابكم سعينا اي واحسينا من عامرٍ مشينا بسوانا او بنا فالذكر باقي خالدٌ امر ذبيح الله راقي حُق ان ننعاه بالدمع المراقي دوما وننعاه لرزئه رثينا اي واحسينا من عامر مشينا قد هجرنا الاهل والاوطان حبا فقليلٌ ذلكم في حب قربى من لنا غيرهمُ ذخر لعقبى هم وجهة الله من غيرهم لدينا اي واحسينا من عامر مشينا

ممكن رد 😢💔

@@رزان-س8ث كاتب عهد من المهد وعلى الوعد مشايه اعتنيتك من المهد هذا العشگ دائم بذكرك صرت جيت اجدد بيعتي عهد وياك كتبت يا بحر مالك جزر محبتك بيها فزت يا سفينة للنجاة فزت من بيها ركبت جيت بونين بالاربعين واهتف حسين مشاية اعتنيتك مثل ما يذوب الشمع انا بحبك اذوب انت باب الله واجيت يمك استغفر واتوب صافي درب البي مشيت لان ذكرك بالدرب ثابت وعندي يقين زيارتك تمحي الذنوب دربك ورد بيه انسعد لا ما ارد مشاية اعتنيتك عادة الشخص اليموت يخاف من ضغط الگبر بس عكس ناجح يظل خادمك طول العمر خبر مسند بالممات للمحب انت تحظر ليلة الوحشة تجي وتحظر بيوم الحشر بسمك اصيح دمعي يسيح آيالذبيح مشاية اعتنيتك الناصبي خل يستمع مني ياخذ هالخبر انا خادم للحسين وبعد عباس الگمر ارد ابين مگصدي هذا عنوان الفخر والمبلل بيه طبع ما يخاف من المطر انت العلم بيك انسجم دين وقيم مشاية اعتنيتك هذا موكبنا اليجي كل سنة يجدد العهد يسعى ويلبي اعتنه يطوف عندك يا عمد عندك يأدي الفرض جدك بحقك شهد وياك يابن الزاكية نظل دائم عل الوعد انت الوصل ما تنفصل شامخ تظل مشاية اعتنيتك

متألمه بدرب السبي والكل اجه لأذيتي وابقى على تل الزينبي ارحملي من مشيتي آه وينها چفوف المنية اه من صرت بالغاضرية سبيه سبيه اصبر شلون )2 سنة عمري يزيد كلما اجري دمعه بيه يمشون )2 السبي طال واضن ما بيّه رجعه عبرتي تهون )2 اختنگ لچن همي شيطلعه ريت يدرون )2 والشمر نضراته حطت بيه وجعه گدامي يتمشه الشمر وتذكرت دلالي شاب الدلال على اليسر ومساهره الليالي اه انا وين وهالاذية اه من صرت بالغاضرية سبيه سبيه وين موتي)2 كافي كلشي على اخوتي بيّه يتألم يعلى صوتي)2 رجعوني للطف ولو ما بيها بس دم گبال اخوتي)2 راضيه اگعد على رماد المخيم وبسكوتي )2 يعني معناها المتن صار يتكلم ميتين بس عندي المهم بعيوني انظرلهم زينبهم ابين الزلم محتاره شارد اگلهم اه وينهم اهل الحمية اه من صرت بالغاضرية سبيه سبيه ماتت الروح)2 فرهدوني وما بقت بخيالي هيبه كلشي مسموح)2 انضرب وانشتم صارت مو عجيبة عني الجروح)2 مستعدة اگعد واسولف شيبه شيبه زينب تنوح )2زينب العلوية شو صارت غريبة من نضرة الشمات الي تتزايد المصايب وينك انادي يا علي يا مظهر العجايب اه كلها تتفرج عليه اه من صرت بالغاضرية سبيه سبيه بعيني الخيام)2 بيها اتمنى اظل وهيه بلهبها ذيج الاحلام )2وي ماي الجربة متبدية بعتبها شكثر الايتام)2 هذا يبچي وذيج تشكي من السلبها رايحة لشام )2 بس گبلها الكوفة تذبحني بتعبها للكوفة والشام الدرب وعلى الجمر مشيته بيا حالة للمجلس اطب كل الدمع بچيته اه من الرزية چم رزية اه من صرت بالغاضرية سبيه سبيه

@@اللهمعجلضهورلقائمالمنتظر يا من تحضر الماتم دمعك خله يتجاره حط ايدك على گلبك وانحب واقرا الزيارة لحسين صب الدمع لحسين للمنصرع ون واقرا الزيارة يالگاصد تجي الماتم لحسين وتهل العبرة خليها على بالك كون چنك گاصد لگبره اداب الزيارة بنوح اديها بدمع مسفوح للظل عالترب مسفوح اشعث اغبر تزوره باقي دامي بترابه وابچي بماتمه واصرخ ايا حسين ومصابه بونين للمنذبح بونين للمنطرح ون واقرا الزيارة ومن الادب تگصد كون بضامي الگلب للعطشان وتلبس اطهر اثيابك للظل عالترب عريان عاري مسلبه هدومه تجري عله الثرى دمومه لا ماينّسي يومه وبگلبك گبر مولاك اصبح واجب تزوره ماهو بعيد وبدمعك للطف تنرسم صورة كليوم صب دمعتك كليوم وبحسرتك ون واقرا الزيارة چن جيتها يم گبره تحضر امه بالماتم تنوح وتلطم الهامة من عدها الدمع ساجم تون للطبروا نحره وداس الحافر بصدره ونوحك يسعد الزهرة ومن تسالها بدموعك يا جرح العليچ اصعب منها تسمع جوابك فاجعني سلب زينب والعين بالهم تصب والعين للمنسلب ون واقرا الزيارة ما يفتر عليها النوح سبط الهادي ما ننساه وما ننسى بصبح عاشور خضب شيبه من دماه وما ننسى الشمر جاله وبسيفه تعناله وراسه عله الرمح شاله الطم يالمحب وانحب للحز الشمر نحره واجرح باللطم صدرك للداسوا على صدره بالنوح واسي الطهر بالنوح والمنتظر ون واقرا الزيارة

@@hussiensattar8376 مشكورين

❤❤❤

@@اللهمعجلضهورلقائمالمنتظر حوفة عرسك اليوم گاع وغارجة ادموم بيهن تنام آيجسام ~•~•~•~•~•~••~•~•~•~•~•~••~•~• بالدم يالمتخضب چفه والبين يعاين عالزفة والمصرع وياه تحفه حوفة عرسك ساحة طفه ماحضروا عمامه بس نسوة ويتامى بس نسوة ويتامى وين الاعمام آيجسام بيهن تنام آيجسام متوزع بالحوفة الغالي لا اول لا منك تالي لا جسم ولا راس گبالي مشدوه وتاليها ببالي جسمك كله مفروش يوم العرس مطشوش يوم العرس مطشوش هذا الوسام آيجسام بيهن تنام آيجسام فزعن نبلات يزفنه ورماح بعرسه يطعننه چن ثوب سيوف يفصلنه والموت الموت يلبسنه عرسك تهدي الجروح وتبادلهن الروح وتبادلهن الروح غادي الاسلام آيا جسام بيهن تنام آيا جسام شمحلى الزفة تلوگ لطولك جرحك بگليب اليبچولك صينية زفتك جابولك يا جاسم كلهم ناحولك زفتك محبين اليوم بماتم حسين اليوم بماتم حسين خابت احلام آيجسام بيهن تنام آيجسام

بسم الله الرحمن الرحيم حميدة تنوح تحاچي الروح ابوي ليا زمن اتنطر هلاله ------------------ دنيتك والقلق يا بوية لوعني حزينة وحسبة تاخذني وترجعني اشم بگلبي انفاسك تودعني ظلام الليل انا بدونك يضيعني امل مذبوح المها يفوح يتيمة وتنذبح بالغربة اماله ابوي ليا زمن اتنطر هلاله ----------------- اتاني بلهفة مفارج خبر يگرب لهب جوف الشمس من جوفي واتعطب عطش والماي اذا يعطش شنو اليشرب شربت الآه انا وگلبي اليون ينحب تجي وتروح يبوية الروح تريد تشوف ابوها العاشت بجاله ابوي ليا زمن اتنطر هلاله --------------------- احس بحرگة فراگك دنت مني اليتم حسيته من مسح علي عمي يبوية وداعة ابنيتك نشف دمي هموم الكون ما تگدر تصل همي واعد جروح حزن مفتوح ايا سهم الغدر ضرباته چتاله ------------------ اهز كاروك اليتم وحدي وحگك بوية ما چن ظل صبر عندي اطش عيوني تنتظرك جمر تدي يتيمه ويا قدر هذا القدر وعدي حمام الدوح يطير النوح ابوي ليا زمن اتنطر هلاله

شكرا في ميزان حسناتكم

​.

يبيبان القهر هل عدنا خطار اذا باجر مشوا استوحش الدار عگبهم هالشمل هيهات يلتم لا اب لا اخو لا باقي الانوار /////////////////////////////////////////// يبوية شلون اصدگ عني تمشون ابقى بلا اهل تكتلني الضنون عليه شگد صعب لو سير الليل انوحن والدمع يلهب بالجفون حرام ان چان احس بعله وآلام حرام ان چان اريدن تبقى العيون يبوي بغربتك خليني وياك فدوة لشوفتك لو صار ما صار يبيبان القهر هل عدنا خطار //////////////////////////////////// يظل گاعد ونيني وحيلي مهدود اسال ربي كون تردلي ردود الك يوصل حنيني بشوغة وب آه ينشد بوية يمتى لبنتك تعود عليلة وبس نفس ومجبلة الروح بس دگة گلب والگلب ممرود تراني من البعد اتوسل الموت ارحم من عمر يتوسد النار يبيبان القهر هل عدنا خطار ////////////////////////////////////////////////// يربي شگد هظم بيه وسؤالات مدري الوالي عايش هسه لو مات يتانيني مثل ما انا اتانيه يمكن فد صبح يرجع سلامات تمنيته يرد واحسبله الجروح كل جرح بجرح تارك علامات بلياه الصبح ما يعگب الليل ضلمة بكل وكت وگليبي محتار يبيبان القهر هل عدنا خطار ////////////////////////////////////// تخيلت اليتم من طال الغياب اتخيل گبر مو انت عل الباب افكن بوية باب البيت لو باب مسدود بلحد جواه الاحباب انامن گلي وين وصدرك دموم بسهام انترس وملحف تراب اويلي من انندهك وبذاني الفراگ يهمس يالعليلة الوالد اختار يبيبان القهر هل عدنا خطار /////////////////////////////////////////////// تكتر يا فرح كل البقى ونين دهري بلا رحم وداني للبين قسمتي من الصغر تاخذني الاحزان مدري ليا وقت ما ادري لاوين حفرت من الدمع بخدودي چلمات اولها الصبر واختمها بحسين هاي انا العليلة وقصتي يا ناس اترجى العجل من صاحب الثار يبيبان القهر هل عدنا خطار

اجرك الله يا صاحب الزمان ////////////////////////////////////////////// بمصاب هد ركن الانبياء وكذاك الاولياء وله الكون تداعى بالعزا وله ابدى البكاء بسليل النجب واسير الكرب بالعظم بلواه تعثر السان اجرك الله يا صاحب الزمان //////////////////////////////////////////// اوما ترنوا له حين اتى بالرضيع للسقى قائلا يا قوم ما ذنب الفتى فابى اهل الشقى وبسهم ظالمِ من لئيم غاشمِ في النحر ارداه فزلزل الاكوان اجرك الله يا صاحب الزمان ////////////////////////////////////////////////// اوما جائك يا خير الورى عن ابيك الثاغبِ خده صافح ذرات الثرى بهجير اللاهبِ واحداً بين العدى ثاوياً مرددا رباه رباه لشيعتي الامان اجرك الله يا صاحب الزمان /////////////////////////////////////////////// فدها الكون غبار ودجى حينما الشمر رقا صدره كيما يحز الودجا ليتنا كنا الوقا قاطعاً لنحرهِ يا لعظم امرهِ من ثم علاه بشاهق السنان اجرك الله يا صاحب الزمان /////////////////////////////////////////////// بضعت جثته تلك النصول حين اضحى في العرى وعلى جثمانه الخيل تجول صدره تكسرا فله الروح الامين صار ينعى بأنين اي واحسيناه وقت العزاء حان اجرك الله يا صاحب الزمان //////////////////////////////////////////// صاحب الامر اصبرا والعدى احرقوا تلك الخبا الهذا الخطب تبدي جلدا عجلاً يبن النبا أتفر الطاهرة من لهيب حاسرة ويلاه ويلاه بالذل و الهوان اجرك الله يا صاحب الزمان

موجوده