Árni Páll Árnason, þekktur undir sviðsnafninu Herra Hnetusmjör, er íslenskur tónlistarmaður og rappari.
Herra Hnetusmjör ólst upp í Hveragerði og síðar í Kópavogi. Hann tilheyrir hóp Kópavogs-peyja sem gefa út efni undir merkinu Kóp Bois Entertainment eða KBE. Hann lærði við Menntaskólann í Kópavogi og er sonur Árna Magnússonar, félagsmálaráðherra frá 2003 til 2006.
Herra Hnetusmjör bjó til texta yfir bandarísk rapplög árið 2014 og tók þá upp. Hann gaf út upptökurnar á RUclips. Lögin heita „Elías“, „Til í allt 2.5“, „Herra Hnetusmjör“, „Blóðþyrstir úlfar“ og „Við erum í húsinu“.
Árið 2015 gaf hann út sína fyrstu breiðskífu, Flottur strákur. Næstu plötur frá rapparanum voru KÓPBOI, Hetjan úr herfinu, Dögun, Erfingi Krúnunnar og Flottur strákur 2.
Árið 2020 kom út ævisaga hans eftir Sóla Hólm undir titlinum Herra Hnetusmjör: Hingað til. Hann hefur verið dómari í síðustu tveimur þáttaröðum af Idol. Árið 2023 gekkst hann til liðs við strákahljómsveitina IceGuys. Hann söng lokalag Áramótaskaupsins 2023.