Видео

ديرينا وصفة لمبسة

تخبيه فالفرجيدار مش لازم كونجيلاتور ويبقا مليح؟

يعطيك الصحة حبيبتي من فضلك ديريلنا اكل تقليدي نتاع سطيف عيش مڨطعة مخلعة اني حابة نتعلمهم

مشاء الله ❤🎉

نموت عليها ❤❤

Machaalah ychahi yaatik esaha inchaalah njarbou bhade tarika😮

عندي صاحبتي كبرت بزاف وجا بلھا ربي مكتوب لفرنسا دارت اكتءاب ورجعت البلاد لقيتھ في رود سيلاق فرحانة وتقولي ما عندھمش البونيونس انتا عنا

الله الله علا العمريات

كسرة رخساس القمح❤

اختي عندي بزاف فلفل حار طريقة بوفجوخ وادا نقدر نجمدوا و طريقة حميس حار بكميتت باج نجمدوا وشكرا ام محمد معاك

من فضلك اختي الفلفل نديروا شق بالموس و لا لالا

بصحتكم حنا في شلف نديروها نسموها الحرشة ولا المغيز جي هايلة

زيدي طيبيلنا المخلعة و المقطعة تع سطيف

شهيتيني ظك نرقد كيفك

ان شاء الله تطلع قناتك و تنجح يا رب تستاهلي تفرجت وصفاتك الله يبارك عليك ربي يعاونك و يزيدك نشاط على نشاط و اتمنى لك كل التوفيق و النجاح اختي واصلي

الله يبارك عامر يهدر قناتك روعة

الله يبارك ماشاء الله صوتك روعة ربي يحفظك

الله ماشاء الله ❤❤❤❤❤

❤❤

وصفة ليبينيي: كاس حليب دافئ ملعقة كبيرة خميرة الخبز ملعقتين ونصف سكر بيضة نصف كيس خميرة حلويات فرينة(حسب الحاجة) ملح+فانيلا بعدما تلمو لعجينة خليوها تخمر مليح وبعدما تخمر رشو سطح العمل بالفرينة واطبعوها بأي طابع دائري ديرو حبات ليبينيي على طرشونة باه ميلصقوش وخليوهم يخمرو لمدة متفوتش 5 دقائق ومن بعد اقليوهم في زيت ساخنة وكي يطيبو ديروهم في ورق ماص قبل خليوهم يبردو شوي ومن بعد احشيوهم وباه ترمدوهم في السكر👌

يعطيك الصحة والعافية يارب ❤تهبل

❤❤❤❤❤ توووووووب

استمر

#وصفة #سهلة #اقتصادية #صيفية بامتياز👌تحت شعار عسل معسل🍯حميس بالسلق بنته عظيمة❤️جربوه علابالي متندموش😉 هيا تبعو معايا المقادير👇👇: ربيطة سلق قطعتها بالمقص بعدما غسلتها مليح حطيتو يذبل في المقلة بلا بصلة بلا زيت لا ملح لا والو بعدما يذبل السلق نزيدلو دجاج ربع صدر يكفي👌نخليهم يتقلاو شوي بدون زيت بعد ما تلقا السلق والدجاج نزيد الزيت حوالي ملعقتين فقط ونزيد حبتين طماطم مرابية مع راس فلفل مقطع(إذا جا حار يجي بنين هايل) التوابل راهم باينين في لافيديو😘 وبالصحة والهناء على قلوبكم☺️لوكان جربوها تدعيولي بالخير😁

شحال خلتيه يخمر كي جيتيي طيبيه قلتي خليوه غير شوية شحال مثلا؟

راح نسييه ونقوللكم النتيجة

❤❤❤ اول كمونتار ❤❤❤ يعطيك الصحة

ماشاءالله تبارك الرحمن جزاك الله خير الدارين 🎉🎉🎉❤

مقادير المشوشة: 4بيض 4 ملاعق كبيرة سكر 4 ملاعق كبيرة زيت 4 ملاعق كبيرة حليب 4 ملاعق كبيرة فرينة 4ملاعق كبيرة سميد عادي كيس خميرة كيميائية عسل عدد الملاعق هو عدد حبات البيض

الله يبارك فيك ماشاء الله 🎉❤❤❤❤

😊

الله يبارك هأذ مطلوع زمان

❤🎉❤😂

طريقة التحضير بالتفصيل: نغسل كمية البربوشة لي نحتاجها مرتين ونصفيها من الماء ونخليها تنشف حوالي 15 أو 20 دقيقة بعدما تنشف نديرلها شوي زيت(حوالي 3 ملاعق كبيرة) ندخل الزيت في البربوشة تاعي مليح باليدين لازم اليدين باه تتغلف حبة البربوشة بالزيت ومجيش معجنة بعد ذلك ندير البربوشة في الكسكاس ونفورها التفويرة الاولى وباه تعرفو إذا فارت البربوشة تلقاو البخار يخرج منها ثما أعرفوها بلي صاي فارت بعدما فارت البربوشة تاعي نفرغها في قصعة و نديرلها ملعقة كبيرة مارغارين أو زبدة ونزيد الماء بالشوي وثاني لازم تلوحي يدك يا سيدتي ومعرفتيش كمية الماء لي ديريها😮متخافيش ضك نقلك كيفاه تعرفي😉ذوقيها إذا لقيتيها ناشفة معناها راهي مخصوصة ماء وإذا ملقيتيهاش ناشفة معناها راهي مليحة👌 بعدما درتيلها الماء خليها حوالي 15 دقيقة تشرب الماء لي درتيه كي تفوت 15 دقيقة عاودي ذوقيها إذا لقيتيها نشفت وشربت الماء زيديها شوي ماء متكثريش بزاف بين صباعك برك بعد ذلك حطي فوريها للمرة الثانية وبعدما تفور ديريلها شوي دهان حار وسقيها بالمرقة ولا باللبن وبالصحة والهناء على قلبك😘 وانتهت مهمتي بنجاح الباقي عليك حنونة😁جام وبارطاج وأبوني في القناة للمزيد من الوصفات التقليدية و العصرية السهلة والناجحة👌

المقادير لو سمحتي

هذي مشوشة او لبنيي ماشي سفنج ويطيك الصحة على كل حال

تسلم ايديك يا قمر🎉

حار بزاف

❤❤❤❤❤❤❤❤

احلى قناة و احلى لايك

الله يبارك❤

ههههههه😂😂😂

كريمة الباذنجان للمشاوي 🍆: حبة باذنجان مشوية(انا شويتها في المقلة) سنة ثوم ملعقة كبيرة سمسم (جنجلان لي عندها طحينة تعوض الجنجلان بيها) عصير ليمون ملعقة كبيرة ونصف ياغورت طبيعي ملعقة صغيرة مايونيز(نسيت مصورتهاش) ملح+فلفل أسود

مقادير كريمة الفلفل🌶️: 4 رؤوس فلفل (حار أو حلو أو مزيج بينهم) ملعقة كبيرة مايونيز 3 حبات جبن مثلثات (ملعقة كبيرة) سنة ثوم ملح+فلفل أسود

عرفتك سطايفية يادرا كيفاش 😂

سلام درتي ملح او ماء او زيت هيك

سطيف ولاية و نصف ❤❤❤❤❤❤❤❤😂❤😊

حنا في ولاية تيارت نقولو المردود❤

جربتها ليوم في لغدا جات تهبل تهبل ولادي مايوكلوش الباذنجان بصح ليوم كي درتو هكذا كلاوه اكل يعطيك الصحة ختي

هذي مشوشة ماشي سفنج يعملوها ايضا اهل البرج