સ્વામિની તત્પરાનંદ સરસ્વતી એ અધ્યાત્મ વિદ્યામંદિર વિદ્યાતીર્થ ભાવનગર શાખાનાં આચાર્યા છે.
જેમણે અધ્યાત્મ વિદ્યામંદિર ના સ્થાપક પ.પૂ.સ્વામીજી વિદિતાત્માનંદજી પાસે બાર વર્ષ સુધી નિયમિત વેદાંત નો અભ્યાસ કર્યો ત્યાર બાદ સર્વ નો ત્યાગ કરી પ.પૂ.ગુરુદેવ સ્વામી દયાનંદજી પાસે આર્ષવિદ્યા ગુરુકૂલ કોઈમ્બતુર માં સંસ્કૃત અને પ્રસ્થાન ત્રયી નો અભ્યાસ કરી દિક્ષિત થયા. 1995થી ભાવનગર અને 2001થી ખંભાત માં પણ ગીતા ઉપનિષદ નું અધ્યયન કરાવી રહ્યા છે. સ્વામિનીજી વેદાંતશાસ્ત્રનું ઉંડુ જ્ઞાન ધરાવે છે. સાધકો ને આ જ્ઞાન સરળતા થી સમજાવવાની કુશળતા ધરાવે છે. જેથી તેઓ ના જીવન સરળ અને સાર્થક બને છે. બાળકો માં ગીતાગાન સ્પર્ધા અને સમયે હિંદુ સંસ્કૃતિ નું જ્ઞાન ઓનલાઈન આપી રહ્યા છે. દર વર્ષે નર્મદા કિનારે શિબિર નું આયોજન થાયછે. આશ્રમ માં ધાર્મિક તહેવાર વખતે પૂજા તેમજ ચૈત્રી નવરાત્રિ માં રામચરિત માનસ અને આસો નવરાત્રિ માં નવચંડી પાઠ સમુહ માં થાય છે. સ્વામિની તત્પરાનંદજી પ્રેમ કરૂણા અને સરળતા ની મૂર્તિ છે.