जय हरी
सामान्य जीवांचे करावया कल्याण । आपण प्रगटले स्वये नारायण । आनंद संप्रदाय क्रमांशी प्रगटून । भाविकजना उध्दरिति ॥
आनंद संप्रदाय हा सगळ्या भक्तिमार्गांचे मुळ उगमस्थान आहे. आदिनारायणाचा ज्ञानावतार निर्गुण निराभास भगवान हंसापासुन या संप्रदायाचा उगम झाला.
एकदा भगवान ब्रम्हदेव आपल्या सभेत बसलेले असताना त्यांचे मानसपुत्र सनकादिक मुनी तेथे आले आणि भगवान ब्रम्हा सोबत जीवांचा उध्दार , मोक्षाच्या संबंधी चर्चा करु लागले. पण ब्रम्हदेवांना त्यावेळी ते ज्ञान नसल्यामुळे मुमुक्षु हृदयाने आणि भावयुक्त अंत:करणाने त्यांनी भगवान आदिनारायणांची करुणा भाकली त्यावेळी भगवंतांनी ब्रम्हदेवांना हंसरुपात कार्तिक शुल्क नवमीला प्रकट होऊन दर्शन दिले.
भगवंतांच्या अवताराचे मुख्य प्रयोजन हेच होते की सर्व प्राणी मात्रांचे कल्याण व्हावे. हंस ज्याप्रमाणे पाणी आणि दुध वेगळे करण्याचे सामर्थ्य ठेवतो त्याप्रमाणे चित्त आणि त्रिगुणांना वेगळे करुन ब्रम्हदेवांना अनादीकालाच्या नामाचा अनुग्रह केला आणि अशा प्रकारे सृष्टिकर्त्या ब्रम्हदेवाचा उध्दार करुन महाहंसरुपी भगवान गुप्त झाले.
जय श्रीपाद बाबा जय रामदास बाबा