कीर्तनीय: सदा हरि: |

नमस्कार, साहित्य, संगीत, कला आणि अभ्यास या विविध अंगांना स्पर्श करत मानवजीवन घडत असते. अशा अंगांची ओळख व्हावी अर्थात आपले जीवन सुसंस्कारित बनवण्यासाठी निर्माण झालेल्या गद्य, पद्य व भारतीय संस्कृतीचा मूलाधार म्हणजेच आपली पठनीय स्तोत्रे, मंत्र आपणास माहिती होण्यासाठी, हा विविधतेचा खजिना आपल्यासमोर आणण्याचा केलेला हा प्रयत्न. जवळ असूनही अज्ञात असणारे श्लोक, भारतमाता विषयक आपले मातृप्रेम घट्ट करणारे विविध श्रवणीय साहित्य जसे कीर्तन, अभंग, दुर्मिळ आरत्या, भजने इ. याबरोबरच भारतीय स्वातंत्र्यातील रत्नांची ओळख पुन्हा अधोरेखित करून त्यांच्या व्यक्तित्वाचे अनुकरणीय पैलू आपणासमोर मांडत आहोत.
लहानांपासून मोठ्यांपर्यंत विविधतेतून संस्कारकण उपयोगी पडावेत, आपली परंपरा, देवशरणता अधिक वाढावी यासाठी सतत वृद्धिंगत होत राहणारे, आपल्या सूचनांच्या स्वागतासह सदैव सिद्ध केवळ आपल्यासाठी आणि हे आपले आहे असे मानणाऱ्या सर्वांसाठी हे माध्यम.