啲人話呢隻係 Jada 最靚既 figure, 咁都係既, 望過晒佢其他 figures 都完全無興趣, 包括 Lucy, 所以佢係無伴侶既, 其實買 figures 係唔需要齊, 最重要係隻 figures 靚就得, 好多系列唔係隻隻都靚, 見唔靚, 唔順眼或性價比唔高自然係唔會買, 而且係唔會浪費展示空間, 啲 figures 係完全唔會放係盒到, 巳經成個櫃裝晒啲玩具空盒, 有時都諗點樣可以解決個吸塑, 可以解決個吸塑咁大部份既盒都可以摺埋, 咁所釋放出嚟既儲存空間係好龐大既, 而且仲可以儲多更多個盒, 但都接近退坑, 咁都唔洗諗呢啲問題。
買呢件玩具, 又一次證明左我係超級玩具黑仔王, 先前見玩具模型倉有, 但無買, 因為見佢左袋側有個窿, 咁去左淘寶買, 結果仲大鑊, 一打開個包裏, 就見到左袋個窿又係到, 跟主再望右手袖膊頭位置仲多多兩個窿, 咁都算, 跟住又發現右褲腳小腿部份係車得太濶, 以致唔可以緊貼住小腿, 係影片中可以清晰見到, 條褲腳一邊貼身一邊好似開朗褲咁擺 pose 時有啲位望落去係好肉酸, 嚟緊會拍個 Short, 係個 Short 到就會清楚見到擺 pose 時開朗褲腳果面會係幾咁難睇幾咁肉酸, 個姿態咁優美真係比條褲大殺風景, 人係要有要求咖, 唔係同條咸魚有咩分別？咁都算, 最大鑊係跟住發現左邊胸肌有一大達好淆淆殘殘好唔平滑既表面, 唔知咩事, 估計係係廠房時成件膠件係胋住地面咁被嚴重刮花晒, 個人最重視頭雕同胸部, 因為展示都係正面, 三百蚊到, Jada 啲QC 都估到可以係咁, 天意弄人, 無野好講, 阿們! 如果早知, 我買玩具模型...