આ યુ-ટ્યુબ ચેનલમાં આપ સૌ દર્શક મિત્રોનું દિલથી ઉષ્માભર્યું સ્વાગત છે.આ ચેનલમાં જે સ્કૂલ મારી કર્મભૂમિ રહી છે અને ત્યાં કરેલી ઉમદા કામગીરી વિશે આછેરી ઝલક આપને મારી આ ચેનલમાં જોવા મળશે.

આજના ડિજિટલ યુગમાં નવા વર્તમાન પ્રવાહો સાથે ચાલવું એ અનિવાર્ય છે.આજનો સમય ડિજિટલ ક્રાંતિનો સમય ગણી શકાય.એવામાં મારી આ મંદિરરૂપી શાળામાં થતી અનેકવિધ પ્રવૃત્તિઓ અને કાર્યક્રમો આપ સુધી લાવવાનો આ પ્રયત્ન આવનારા સમય માટે એક સીમાચિહ્નરૂપ સાબિત થશે એવી મને આશા છે.

બાળક એ ઈશ્વરનું બીજું સ્વરૂપ ગણી શકાય.પાંચ કલાક માટે ઘર છોડી જ્યારે બાળક શાળામાં આવે છે ત્યારે એક શિક્ષક તરીકે જવાબદારી અનેકગણી વધી જાય છે.એવામાં મારી આ શાળામાં બાળકનો ઉત્તમ સંસ્કારો સાથે સર્વાંગી વિકાસ થાય એવો પ્રયત્ન થઈ રહ્યો છે.જેની મને ખુશી છે.

બાળકનો આનંદ એ જ દરેક શાળાની સફળતા ગણી શકાય.આવી આનંદભરી- ખુશીઓની અમૂલ્ય ક્ષણોને કાયમી સાચવણી માટે દરેક વીડિયો જોઈ આપનો આનંદ વ્યક્ત કરો એવી વિનંતી છે

આ ચેનલના માધ્યમથી પ્રસારિત કરવામાં આવનાર દરેક વીડિયો ફક્ત શૈક્ષણિક હેતુ માટે જ છે.જેની ખાસ નોંધ લેવી.